🟥तणावाची स्थिती असतांनाच आशा सेविका संपावर जाणार!आरोग्य यंत्रणा..🛑देशासाठी बलिदान.- काश्मीरमध्ये पाकड्यांशी लढताना मुंबईचा जवान शहीद.-मुख्यमंत्र्यांकडून श्रद्धांजली.🛑भारताची लढाऊ विमाने पाकिस्तानमध्ये घुसली.- तीन हवाई तळांवर केला तुफान हल्ला.

केंद्र सरकारने डिसेंबरपासूनचा मोबदला दिला नसल्याचे मानधन अडकल्याचे सांगत आशा सेविका व गटप्रवर्तक कर्मचारी २० मे पासून बेमुदत संपावर जाणार आहे. त्याबाबत आशा व गटप्रवर्तक कर्मचारी युनियन (सी. आय. टी. यू.)तर्फे संपाची नोटीस मुख्यमंत्री, आरोग्यमंत्र्यांना दिली आहे. भारत- पाकिस्तान दरम्यान युद्धजन्य स्थिती असतांना या संपामुळे आरोग्य व्यवस्थेवर परिणामाचा धोका आहे.*

राष्ट्रीय आरोग्य अभियान अंतर्गत काम करणाऱ्या आशा वर्कर व गटप्रवर्तकांना केंद्रशासनाच्या योजनेनुसार काही मोबदला व राज्य शासनातर्फे काही मोबदला मिळतो. राज्य शासनाच्या मोबदला आशा वर्कर व गटप्रवर्तक यांना फेब्रुवारी महिन्यापर्यंत मिळाला. परंतु केंद्र सरकारच्या वाट्याचा निधी डिसेंबर महिन्यापासून मिळाला नाही.त्यामुळे हा निधी आशा सेविका व गटप्रवर्तकांना मिळाला नसल्याने त्यांची आर्थिक कोंडी झाली आहे. या निधीसाठी शासनाला वेळोवेळी निवेदन दिले गेले. परंतु काही झाले वाही. शेवटी ९९ मे पर्यंत हा निधी न मिळाल्यास २० मे पासून बेमुदत संपावर जाणार असल्याचे नागपूर जिल्हातील अप्पर जिल्हाधिकारी अनूप खांडेतर्फे दिलेल्या निवेदनातून शासनाला कळवल्याची माहिती प्रसिद्धीपत्रकातून संघटनेचे राजेंद्र साठे यांनी दिली. यावेळी इतरही मागण्या लावून धरण्यात आल्या. याप्रसंगी राजेंद्र साठे यांच्यासोबतच प्रीती मेश्राम, सुकेशिनी उमरेडकर, अर्चना निर्मळे, अर्चना निमजे, श्वेता मोहाडीकर, प्रभा बोकडे, वंदना पंडित उपस्थित होते.

मागण्या कोणत्या..

⭕१) गटप्रवर्तकांच्या कामाचे तास व महिन्याच्या किती भेटी याचे स्पष्टीकरण द्यावे. वरिष्ठ अधिकारी- कर्मचाऱ्यांकडून होणारा त्रास थांबवावा.*

💥२) आशा वर्करकडे नसलेले कामही बळजबरीने कडून करून घेण्याचा प्रकार थांबवावा. संगणकावरील नोंद करतांना सर्वर नसणे, ॲप योग्य प्रकारे काम न करणे, ओटीपी न येणे, किंवा नागरिकांकडून ओटीपी न मिळणे अशा अडचणी सुद्धा निर्माण होत आहेत. करिता ऑनलाइन काम करण्याकरता डाटा ऑपरेटर ची नेमणूक करून आशा वर्कर ला नागरिकांचे आरोग्याची सेवा करण्याकरता मोकळे करावे.

⭕३) शासकीय कर्मचाऱ्यांच्या दर्जा देण्यात येऊन किमान वेतन देण्यात यावे.

⭕४) सेवानिवृत्तीनंतर एकमुस्त ५ लाख रुपये ग्रॅज्युटी देण्यात यावी.

⭕५) आशा वर्कर व गटप्रवर्तक यांना निवृत्तीनंतर मासिक १० हजार रुपये निवृत्तीवेतन द्यावे.

⭕६) गटप्रवर्तकांना कंत्राटी कर्मचाऱ्याप्रमाणे शासकीय सेवेमध्ये समायोजन करावे.

⭕७) आशा सेविकेची योजना अस्थाई स्वरूपाची असल्यामुळे त्याला दर पाच वर्षांनी मुदतवाढ देण्यात येतो. वरील योजनेला स्थायी योजना म्हणून अंमलबजावणी करावी.

⭕८) सेवेदरम्यान दगावणाऱ्या आशा सेविका व गटप्रवर्तकाच्या मुलगा किंवा मुलगी यांना शिक्षण व उपजिवीका चालवण्यासाठी ५० लाख रुपये सानुगृह मदत करावी.

🛑देशासाठी बलिदान.- काश्मीरमध्ये पाकड्यांशी लढताना मुंबईचा जवान शहीद.-
मुख्यमंत्र्यांकडून श्रद्धांजली.

मुंबई :- प्रतिनिधी.

भारताने पाकिस्तानच्या हद्दीत घुसून दहशतवादी तळांवर हल्ले केल्यानंतर बोकाळलेल्या पाकिस्तानने सीमारेषेवर गोळीबार सुरू केला आहे. भारतीय सैन्य दलानेही या गोळीबाराला चोख प्रत्त्युत्तर दिलं असून पाकिस्तानी रेंजर्सना तडाखा दिला आहे. सीमारेषेवर तणाव पाहायला मिळत असून चकमक अद्यापही सुरुच आहे. पाकिस्तानच्या कपटी कारवायांना उधळून लावताना भारतीय सैन्य दलाचे 2 जवान शहीद झाले आहेत. त्यामध्ये, मुंबईतील रहिवाशी असलेले आणि मूळचे आंध्र प्रदेशचे असलेल्या मुरली नाईक यांना वीरमरण आलं आहे. भारतीय सैन्याचे दुसरे जवान दिनेश शर्मा यांनाही पूँछ सेक्टरमध्ये पाकिस्तानशी लढताना वीरमरण प्राप्त झाले. गोळीबारात जखमी झाल्यानंतर शर्मा यांना रुग्णालयात दाखल करण्यात आले होते. मात्र, उपचारादरम्यान त्यांनी अखेरचा श्वास घेतला. देशासाठी लढता लढता ते शहीद झाले.

जम्मू काश्मीरजवळ पाकिस्तानच्या हल्ल्यात घाटकोपरच्या कामराज नगरमधील रहिवासी मुरली श्रीराम नाईक हे जवान शहीद झाले आहेत. मूळचे आंध्र प्रदेशचे रहिवासी असलेले नाईक कुटुंब हे कामराज नगरच्या झोपडपट्टीमध्ये राहत होते. मात्र, काही दिवसांपूर्वी सदरची झोपडपट्टी पुनर्विकासात गेल्याने त्यांची घरे तोडण्यात आली आहेत. त्यामुळे, सध्या नाईक यांचे कुटुंब आंध्र प्रदेशाला राहण्यास गेले आहे. मुंबईतील घाटकोपर वार्ड क्रमांक 133 मध्ये मुरली नाईक यांच्या शहीद झाल्याचे बॅनर लावण्यात आले असून त्यांना स्थानिकांकडून श्रद्धांजली अर्पण करण्यात आली आहे.शुक्रवार दि.9 मे रोजी पहाटे 3.00 वाजता झालेल्या भारत-पाकिस्तान युद्धादरम्यान मुरली नाईक यांना वीरमरण आल्याचे या बॅनरवरून सांगण्यात आलं आहे. दरम्यान, मुख्यमंत्री चंद्राबाबू नायडू यांनी ट्वविट करुन शहीद जवान मुरली नाईक यांना श्रद्धांजली अर्पण केली आहे. नाईक हे सत्यसाई जिल्ह्यातील गोरंटला तालुक्यातील रहिवाशी होते. देशासाठी बलिदान देणाऱ्या मुरली नाईक यांना मी श्रद्धांजली अर्पण करतो, नाईक कुटुंबीयांप्रती सहवेदना आहेत, असे ट्वविट मुख्यमंत्री चंद्राबाबू नायडू यांनी केले आहे.

🛑भारताची लढाऊ विमाने पाकिस्तानमध्ये घुसली.- तीन हवाई तळांवर केला तुफान हल्ला.

नवी दिल्ली :- वृत्तसंस्था

पाकिस्तानकडून शुक्रवारी सलग दुसऱ्या दिवशी पाकिस्तानने भारतावर ड्रोन आणि क्षेपणास्त्रांनी हल्ले करण्यात आले. यामध्ये पाकिस्तानच्या बहुचर्चित फतेह-1 या मिसाईलचाही समावेश होता. यानंतर आता भारतीय सैन्याने पाकिस्तानच्या हल्ल्याला प्रत्युत्तर द्यायला सुरुवात केली आहे. भारतीय वायूदलाची लढाऊ विमाने शनिवारी सकाळी पाकिस्तानमध्ये घुसली आहेत. या विमानांनी पाकिस्तानच्या तीन ते चार हवाई तळांवर हल्ले केले आहेत.

रावळपिंडीलगतच्या नूर खान हवाई तळाला भारताच्या लढाऊ विमानांनी लक्ष्य केले आहे. याशिवाय, मुरीद आणि सुकूर या हवाई तळांवरही भारतीय हवाईदलाच्या लढाऊ विमानांनी हल्ला चढवला आहे. या हवाई हल्ल्यात पाकिस्तानचे खूप मोठे नुकसान झाले आहे. भारतीय वायूदलाने पाकिस्तानचे 3 एअरबेस उद्ध्वस्त केल्याने आता येथून पाकिस्तानच्या लढाऊ विमानांना उड्डाण करता येणार नाही. याचा फटका पाकिस्तानला बसणार आहे.

पाकिस्तानकडून शुक्रवारी रात्री भारताच्या 4 हवाई तळांवर हल्ले केले होते. पाकिस्तानकडून ड्रोन आणि क्षेपणास्त्रांचा मारा करण्यात आला होता. यामध्ये पाकिस्तानच्या फतेह-1 या क्षेपणास्त्राचाही वापर करण्यात आला. मात्र, भारताच्या एअर डिफेन्स सिस्टीमने हे सर्व हल्ले परतवून लावले आहेत. उधमपूर आणि पठाणकोट येथील हवाई हद्दीत पाकिस्तानची फायटर जेटस् शिरली होती. भारताच्या प्रतिहल्ल्यात पठाणकोट येथे पाकिस्तानचे एक लढाऊ विमान पाडण्यात आले आहे. पाकिस्तानने भारताच्या एकूण सहा हवाई तळांना लक्ष्य करण्यात आले. यासाठी पाकने ड्रोनचा वापर केला होता. हरियाणातील सिरसा हवाई तळावरही पाकिस्तानने हल्ला केला होता. मात्र, भारतीय सैन्याने याठिकाणी डागण्यात आलेले क्षेपणास्त्र हवेतच नष्ट केले.