मडिलगे श्रीराम दूध संस्थेच्या चेअरमन पदी दीपक देसाई तर व्हा. चेअरमन पदी सदाशिव येसने यांची बिनविरोध निवड.
आजरा.- प्रतिनिधी.
आजरा मडिलगे येथील भावेश्र्री संस्था समूहाची श्रीराम दूध सहकारी संस्था मर्यादित मडिलगे या संस्थेच्या दहा वर्षानंतर नव्याने चेअरमन नियुक्ती करण्यात आली यामध्ये केवळ एकच अर्ज आल्याने बिनविरोध म्हणून कारखान्याचे संचालक व माजी उपसभापती दीपक देसाई यांची निवड करण्यात आली. अध्यक्षस्थानी भावेश्वरी संस्था समूहाचे प्रमुख संस्थापक अध्यक्ष माजी सभापती भिकाजी गुरव होते.
यावेळी सूचक राजाराम येणे व अनुमोदक संजय घंटे यांनी केले.
तसेच व्हा. चेअरमन पदी सदाशिव धोंडिबा येसने यांची निवड करण्यात आली सुचक शिवाजी गुरव तर अनुमोदक देवानंद पाटील यांनी केले. निवडीनंतर सभासद व संचालक मंडळ यांनी नूतन निवडीच्या श्री देसाई व येसने यांना शुभेच्छा दिल्या यावेळी सभासद मोठ्या संख्येने उपस्थित होते. माजी सभापती भिकाजी गुरव त्या मागील संचालक मंडळ यांच्या माध्यमातून ३०/१०/१९९२ रोजी संस्थेची स्थापना झाली आज अखेर निपक्षपाती व सभासदांच्या हिताचे ही संस्था काम करत आहे. संचालक शिवाजी गुरव यांनी आभार मानले.
