मराठा-कुणबी/कुणबी-मराठा जातीचे दाखले.- ग्रामपंचायत/तलाठी सज्जाच्या नोटीस बोर्डावर प्रसारित केलेल्या यादी तसेच वरील संकेतस्थळास भेट देवून यादया तपासून त्याची माहीती घ्यावी. – तहसीलदार समीर माने.
आजरा.- प्रतिनिधी.
माहे डिसेंबर २०२३ पासून ते माहे जानेवारी २०२४ या कालावधीमध्ये आजरा तालूक्यामध्ये संबधित तलाठी प्रशासनाकडून मराठा-कुणबी, कुणबी- मराठी च्या नोंदीची गावनिहाय शोध मोहिम घेतली. अभिलेख तपासणी करतांना मराठा-कुणबी, कुणबी- मराठी च्या एकूण ११६८० नोंदी आढळून आल्या आहेत, तसेच सदर सापडलेल्या नोंदींची यादी ग्रामस्तरावर ग्रामपंचायत/तलाठी सज्जा येथे प्रदर्शित करणेची कार्यवाही केली आहे. सदर नोंदीची EXCEL FILE करुन व सापडलेल्या नोंदी अभिलेखाची स्कॅनिंग करुन त्याची PDF स्वरुपात FILE तयार करणेत आली असून सदरची PDF FILES या गावनिहाय जिल्हयाच्या संकेतस्थळावर अपलोड करणेत आली असून ती नागरीकांना https://kolhapur.gov.in/ या संकेतस्थळावर पाहता येणार आहे, तसेच सदरची स्वाक्षांकीत नक्कल PDF स्वरुपात डाऊनलोड देखील करता येणार आहे. यापुर्वी मागील दोन महिन्यामध्ये उपविभागीय अधिकारी कार्यालय, भुदरगड-आजरा या कार्यालयाकडून आजरा तालूक्यातील एकूण ५५ एवढे मराठा-कुणबी/कुणबी-मराठा जातीचे दाखले वितरीत करणेत आलेले आहेत. तरी तालूक्यातील सर्व पात्र असलेल्या नागरीकांनी ग्रामपंचायत/तलाठी सज्जाच्या नोटीस बोर्डावर प्रसारित केलेल्या यादी तसेच वरील संकेतस्थळास भेट देवून यादया तपासून त्याची माहीती घ्यावी. असे अवाहन श्री समिर माने, तहसिलदार आजरा यांनी केले आहे.
