गव्याच्या धडकेत तरुण जखमी.- पेरणोली :आजरा – साळगाव मार्गावरील बंधा-यापासून एक किलोमीटर अंतरावर गव्याच्या व मोटारसायकलच्या धडकेत पेरणोली येथील तरुण जखमी झाला.संदिप निवृत्ती नावलकर ( वय ३८) असे त्यांचे नाव आहे.
नावलकर हे सोमवार दि ८ रोजी सायंकाळी साडेसात वाजता आज-याकडे जात होते.यावेळी बंधाऱ्यापासून एक कीलोमीटर असणाऱ्या सोहाळे मार्गाजवळ अचानक गवा आडवा आला.त्यामुळे नियंत्रण सुटल्याने गव्याच्या तोंडाला मोटारसायकल धडकली.यावेळी नावलकर खाली कोसळल्याने त्यांच्या तोंडाला व हाताला जखम झाली आहे. त्यांच्यावर तातडीने खाजगी दवाखान्यात उपचार करण्यात आले.