श्रीमंत गंगामाई वाचन मंदिर आजरा आयोजित सुगम गायन स्पर्धेत.
आजरा.- प्रतिनिधी.
प्राथमिक गटात रश्मी गवस तर माध्यमिक गटात कौस्तुभ सुतार प्रथम – श्रीमंत गंगामाई वाचन मंदिर आजरा तर्फे कै उर्मिला श्रीपाद मायदेव यांच्या स्मृतिप्रित्यर्थ आयोजित सुगम गायन स्पर्धाउत्साहात पार पडली स्पर्धेची सुरवात कै. उर्मिला मायदेव यांच्या प्रतीमेचे पूजन व दीपप्रज्वलन करून श्री अनंत मायदेव यांच्या हस्ते करण्यात आली वाचनालयाचे अध्यक्ष श्री वामन सामंत यांनी उपस्थितांचे स्वागत व प्रास्ताविक केले.
प्राथमिक गटातून कु. रश्मी उदय गवस (गडहिंग्लज) हिने प्रथम क्रमांक मिळविला, कु. आर्या पिलाजी गावडे (लाटगाव, ता. आजरा) हिने व्दितीय तर कु. सार्थक भिमराव मनगुते (गडहिंग्लज) याने तृतीय क्रमांक मिळवीला. माध्यमिक गटातून कु. कौस्तुभ संतोष सुतार (वेगवडे ता. भुदरगड) याने प्रथम क्रमांक मिळविला, कु. हर्षदा महादेव पाटील (विटे, ता. आजरा) हिने व्दितीय तर कु. रिया रत्नाकर धुरे (उत्तूर) हिने तृतीय क्रमांक मिळवीला
विजेत्यांना प्रमुख पाहुणे श्री अनंत मायदेव व मान्यवरांच्या हस्ते रोख रक्कम, सन्मानचिन्ह व प्रशस्तीपत्र देऊन गौरविण्यात आले. या स्पर्धेसाठी परिक्षक म्हणून श्री प्रणव पाटील (गडहिंग्लज) व श्री एस. व्ही. चोथे (आजरा) यांनी काम पाहिले संगीत संयोजन निमेश देवार्डे, सदेश कुंभार, ज्ञानदेव पाटील, प्रणय बोलके व चंद्रकांत ठाकूर यांनी केले. या स्पर्धेत आजरा, गडहिंग्लज, भुदरगड व चंदगड तालुक्यातील ६० स्पर्धकांनी उत्स्फुर्तपणे सहभाग घेतला.
यावेळी नगरसेविका स्मीता कुंभार वाचनालयाचे सहकार्यबाह रविंद्र हुक्केरी, संचालक विजय राजोपाध्ये, महंमदअली मुजावर, बंडोपंत चव्हाण, विनायक आमणगी, डॉ. अंजनी देशपांडे, गिता पोतदार, ग्रंथपाल चंद्रकांत कोंडुसकर, स्टीफन डिसोझा, संजय शेणवी, डॉ. कृष्णा होरांबळे, चंद्रशेखर बटकडली, भालचंद्र सावंत, अमित ढवळ, प्रा. संदीप देसाई, निखिल कळेकर, महादेव पाटील, महादेव पोवार यांसह संगीतप्रेमी नागरिक मोठ्या संख्येने उपस्थित होते. उपाध्यक्षा सौ. विद्या हरेर यांनी सुत्रसंचालन केले तर कार्यवाह कुंडलिक नावलकर यांनी आभार मानले.
