भादवण येथे तोडली जातीची भिंत ( आंतरजातिय विवाहातून पेरला नवा आदर्श.-भादवण येथे आंतरजातीय विवाह संपन्न.)
आजरा.- प्रतिनिधी.
आजरा तालुक्यातील आरदाळ गावातील मातंग समाजाची मुलगी काजल रंगराव ससाने व भादवण गावचा मराठा समाजाचा मुलगा शिवाजी राजाराम खुळे यांनी माणुसकीचे नाते एवढेच डोळ्यासमोर ठेवून दोघांनी आंतरजातीय विवाह करण्याचे ठरवले.
दोन्हीकडील घरातील नातेवाईकांनी नेहमीच्या लग्नाप्रमाणे अरेंज मॅरेज करण्याची बैठकीत ठरवून धुमधडाक्यात नवऱ्याच्या दारात लग्न करण्याचे ठरवले व त्याप्रमाणे धुमधडाक्यात लग्न पार पडले. या लग्नासाठी सामाजिक कार्यकर्ते शिवाजी गुरव, ढोलकी वादक बयाजी ससाणे, हलगी वादक अण्णासो जाधव, सेवानिवृत्त पोलीस अधिकारी तानाजी गुरव, धनाजी ससाणे, शिवाजी जाधव, भिकाजी ससाणे, मुलीचे वडील रंगराव ससाणे, चुलते गंगाराम ससाणे, मामा सुरेश केंगारे, सामाजिक कार्यकर्ते मनोज लोखंडे, सिद्धू जंगम, मुलग्याचे वडील राजाराम खुळे व भाऊ सचिन खुळे यांच्यासह दोन्ही गावचे ग्रामस्थ, दोन्हीकडचे नातेवाईक, विविध संस्थांचे पदाधिकारी उपस्थित होते. या दोघांचे सर्वत्र कौतुक होत आहे. समाजात माणूस म्हणून जगण्यासाठी केलेला विचार हा अत्यंत महत्त्वाचा असून याबाबत शासन स्तरावर सुद्धा कौतुक होत आहे.
