वंचित बहुजन आघाडीच्या वतीने आजरा नगरपंचायत ताकतीने – लढवणार.
आजरा.- प्रतिनिधी.
आजरा नगरपंचायतीची रणधुमाळीसुरू झाली असून येत्या दोन दिवसात पक्षाच्या उमेदवारांसह नगराध्यक्ष पदाचे उमेदवार निवडणुकीच्या रिंगणात पूर्ण ताकदीने उतरणार असल्याचे दिलेल्या प्रसिद्धी पत्रकात म्हटले आहे.
विरोधकांचे कडून ही निवडणूक आर्थिक जोरावर लढवली जात असून सर्वसामान्य लोकांना ही निवडणूक लढवत असताना आवाक्यापेक्षा बाहेर गेली आहे.
या निवडणुकीमध्ये सर्व सामान्य कार्यकर्त्याला न्याय देण्याचा प्रयत्न करा असा आदेश पक्षाचे अध्यक्ष प्रकाश तथा बाळासाहेब आंबेडकर यांनी दिला असून पक्षाचे उपाध्यक्ष सोमनाथ साळुंखे यांनी आजरा येथे येऊन नगरपंचायतीच्या उमेदवारांची चाचणी केली असता येथुन सर्व उमेदवार निवडणुकीच्या रिंगणात उभे करा अशा सूचना दिल्या.
काल आजरा येथिल बैठकी मध्ये सर्वांना एकत्र घेऊन नाराज घटकांना न्याय देण्याचा प्रयत्न या निवडणुकी मधून देऊन वंचित बहुजन आघाडीचे स्वतंत्र अस्तित्व दाखवणार असल्याचे मत वंचित बहुजन आघाडी कोल्हापूर दक्षिणचे उपाध्यक्ष गौतम कांबळे यांनी व्यक्त केले.
या बैठकीला जिल्हा महासचिव दीपक कांबळे, जिल्हा खजिनदार अर बी कांबळे, सचिव सर्जेराव कांबळे, संघटक अहमद युसुफ नसर्दी निवडणूक समन्वयक दत्तात्रय कांबळे, प्रवीण कश्यप सादिक माणगावकर, किरण संमेक, आर्यन कांबळे, संदीप कांबळे व प्रमुख आघाडीतील उमेदवारांसह कार्यकर्ते उपस्थित होते.
