वसंतराव देसाई आजरा साखरचे –
मिल रोलरचे पुजन संपन्न.
आजरा.- प्रतिनिधी.
आजरा साखर कारखान्यात सन २०२५/२६ गळीत हंगामाकरीता ओव्हर होलींगचे काम गतीने सुरू झाले असून कारखान्याचे चेअरमन मुकुंद उर्फ उदयसिंह देसाई यांचे हस्ते व संचालक मंडळाच्या उपस्थितीत आज मील रोलर पुजनाचा कार्यकम मोठया उत्साहात संपन्न झाला.
या प्रसंगी बोलतांना चेअरमन श्री . देसाई यांनी येत्या सन २०२५/२६ चा गळीत हंगाम माहे ऑक्टोंबर २०२५ मध्ये सुरू करणेच्या दृष्टीने मशिनरी दुरूस्ती व देखभालीची कामे सुरू आहेत. कारखान्याने गळीत हंगाम २०२५/२६ करीता ८२०० हेक्टर ऊस क्षेत्राची नोंद पुर्ण केली आहे. येत्या गळीत हंगामात ४ लाख मे. टन ऊस गाळपाचे कारखान्याने नियोजन केले आहे.
मिल रोलर पुजन केले आहे. ३० सप्टेंबर २०२५ पुर्वी कारखाना दुरूस्ती व देखभालीची कामे पूर्ण करून कारखाना गळीतासाठी सज्ज ठेवणार आहे.
येणा-या गळीत हंगामासाठी सक्षम ३७५ परजिल्हयातील व स्थानिक तोडणी वाहतुक यंत्रणा उभारली असुन सदर यंत्रणेस पहिल्या अॅडव्हान्सची रक्कम वाटप केली आहे. त्याच प्रमाणे गळीत हंगामासाठी आवश्यक कामकाजाचे नियोजन व्यवस्थापना मार्फत केले जात आहे अशी माहिती दिली.
