🛑भारतरत्न डॉ बाबासाहेब आंबेडकर यांची भादवण ग्रामपंचायत, समाजमंदिर, वसाहतीत जयंती साजरी.- जयंतीचा खर्च सरपंच मानधनातून – सरपंच सौ. माधुरी गाडे.
🛑आजऱ्यात भारतरत्न डॉ. बाबासाहेब आंबेडकर यांच्या १३४ व्या जयंतीनिमित्त विविध उपक्रम.
🛑व्यंकटराव हायस्कूल येथे विश्वरत्न डॉ. बाबासाहेब आंबेडकर यांची जयंती उत्साहात संपन्न.
🛑धामणेत डॉ. बाबासाहेब आंबेडकर जयंती तरुण मंडळ धामणे यांच्या वतीने संपन्न.
आजरा.- प्रतिनिधी.
भादवण येथील ग्रामपंचायत भारतरत्न डॉ बाबासाहेब आंबेडकर यांच्या प्रतिमेचे पूजन तसेच हरीजन वसाहत समाजमंदिरात डॉ बाबासाहेब आंबेडकर यांच्या प्रतिमेचे पूजन लोकनियुक्त सरपंच प्रा सौ माधुरी गाडे यांच्या हस्ते संपन्न झाले. हरिजन वसाहत येथील प्रवेश द्वार कमानीचा नवीन फलक व कमान रंगकाम येणारा खर्च सरपंच मानधनातून करण्यात आला. यावेळी कमानीचे लोकार्पण लोकनियुक्त सरपंच प्रा सौ गाडे, आजरा साखर कारखाना संचालक राजेश जोशीलकर, संस्कार कॉलेजचे प्राचार्य रणजीत गाडे, जयसिंग पाटील, अर्जुन दोरुगडे, तुकाराम सुतार गुरुजी, स्वप्निल शिंदे, संदीप सुतार, अंकुश खवरे, आकाश जोशिलकर, समिर शिवगंड, मारुती मांडेकर, शंकर कांबळे, दिलीप कांबळे, राहुल कांबळे, श्रीधर कांबळे व सर्व भीमसैनिक व शिवसैनिक यांच्या उपस्थित करण्यात आले.
🛑आजऱ्यात भारतरत्न डॉ. बाबासाहेब आंबेडकर यांच्या १३४ व्या जयंतीनिमित्त विविध उपक्रम.
आजरा.- प्रतिनिधी.
आजरा येथील सुभाष कांबळे मित्र परिवार व भिम शिवसैनिकांच्या वतीने भारतरत्न डॉ. बाबासाहेब आंबेडकर १३४ व्या जयंतीनिमित्त विविध उपक्रम राबवत जयंती उत्साहात साजरी केली. यामध्ये आजरा बस स्थानकावर दरवर्षीप्रमाणे उन्हाच्या खडाक्यामध्ये आपले कर्तव्य बजावत असणारे पोलीस बांधवांना तसेच आजरा बस स्टॅन्ड कंट्रोल रूम तसेच प्रवाशांना थंड पाणी बॉटल तसेच जिलेबी वाटप करून जयंती साजरी करण्यात आली. यावेळी सुभाष कांबळे मित्र परिवार जितेंद्र कांबळे, गांधीनगर तसेच शिवराज लोखंडे (वझरे) राज मांढरे (उतुर) विनायक कांबळे, ब्लू स्टार युवा मंच बुरुडेचे ऋषिकेश कांबळे, कुणाल कांबळे, मयूर कांबळे, स्वप्निल कांबळे, संकेत कांबळे, शुभम कांबळे, सचिन कांबळे, नितीन यादव, ठाकूर विशाल, कांबळे, अक्षय, माळी जयदीप, कांबळे हाळोलीचे अभिजीत कांबळे त्याचबरोबर शिव व भीमसैनिक उपस्थित होते.
🛑व्यंकटराव हायस्कूल येथे विश्वरत्न डॉ. बाबासाहेब आंबेडकर यांची जयंती उत्साहात संपन्न.
आजरा.- प्रतिनिधी.
माणसाचं आयुष्य समृद्ध व्हावं..एका माणसाने दुसऱ्या माणसाशी माणसासारखे वागावे..व त्याने ताठ मानेनं जगावं एवढं एक छोटं स्वप्न उराशी बाळगत…साऱ्या जगाला…शिका आणि संघटित व्हा..हा मुलमंत्र देतं…हक्क आणि कर्तव्याची जाणीव देऊन गेलेले महामानव विश्वरत्न डॉ. बाबासाहेब आंबेडकर त्यांची आज 135 वी जयंती व्यंकटराव हायस्कूल व ज्युनिअर कॉलेज आजरा या प्रशालेमध्ये साजरी करण्यात आली. आजरा महाल शिक्षण मंडळ आजराचे अध्यक्ष मा श्री जयवंतराव शिंपी यांचे हस्ते प्रतिमा पूजन करण्यात आले. यावेळी सचिव श्री अभिषेक शिंपी, संचालक श्री सचिन शिंपी उपस्थित होते.
यावेळी इतिहास शिक्षक श्री एस वाय भोये यांनी भारतातील सामाजिक न्यायव्यवस्था या विषयावर आपले विचार मांडताना सांगितले की न्याय ही हिसकावून ,भांडून पैसे खर्च करून, मिळवण्याची गोष्ट आहे पण सामाजिक न्यायाचं तसं नाही .सशक्त आणि अशक्त यांच्यातील युद्ध नेहमी विषम असतं. सशक्तच जिंकतो, अशक्त व्यक्तीलाही त्याची शैक्षणिक पात्रता वाढवून कलेक्टर पदापर्यंतही पोहोचण्यासाठी त्याला चांगल्या शाळेत प्रवेश मिळाला पाहिजे. शिक्षकांनी शिकवलेले त्याला कळले पाहिजे जे कळलं त्याचा परिणाम झाला पाहिजे आणि त्या परिणामाचा परिणाम असा झाला पाहिजे की कलेक्टर होण्याच्या पात्रतेपर्यंत त्याला नेवून ठेवले पाहिजे .इथंच सामाजिक न्यायाची प्रक्रिया सुरू होते . जिथ उगवत नाही तिथं उगवणं ते म्हणजे सामाजिक न्याय होय… असे सांगून त्याने राजर्षी छत्रपती शाहू महाराज यांनी समाजामध्ये सामाजिक न्याय प्रस्थापित करत असताना प्रत्यक्ष राबविलेल्या विविध योजनांची माहिती दिली.
त्यानंतर वासुदेव कांबळे यांनी डॉ.बाबासाहेब आंबेडकर यांचा जणू जीवनपटच मांडला व सुमधुर चालीतून व तडफदार वाणीतून बाबासाहेबांच्या जीवनावर छान गीत सादर केले.. व सर्वांना मंत्रमुग्ध केले…
संस्थेचे अध्यक्ष जयवंतराव शिंपी यांनी आपल्या मनोगतामध्ये डॉ .बाबासाहेब आंबेडकर यांनी प्रतिकूल परिस्थितीवर मात करत देशात व परदेशात शिक्षण घेतले आणि या घेतलेल्या शिक्षणाचा, अभ्यासाचा देशाची घटना लिहिण्यासाठी त्यांनी वापर केला.. न्याय, समता व बंधुता यावर आधारित लिहिलेली भारतीय घटना ही जगातील विविध राज्यघटनांचा अभ्यास करून आदर्शपणे साकारली आहे. या कार्यक्रमांसाठी पर्यवेक्षिका सौ.व्ही.जे.शेलार, महाविद्यालयाचे प्र.प्राचार्य पन्हाळकर, भादवण हायस्कूलचे मुख्याध्यापक, संजयकुमार पाटील,जुनिअर कॉलेजचे शिवाजी पारळे, एम ए पाटील, एन ए. मोरे, सर्व शिक्षक शिक्षकेतर कर्मचारी उपस्थित होते.. सूत्रसंचालन पी व्ही पाटील यांनी केले व आभार व्ही.एच गवारी यांनी मानले
🛑धामणेत डॉ. बाबासाहेब आंबेडकर जयंती तरुण मंडळ धामणे यांच्या वतीने संपन्न.
आजरा.- प्रतिनिधी.
मौजे धामणे येथील डॉ. बाबासाहेब आंबेडकर तरुण मंडळ धामणे १३४ वी जयंती दि. १३ रोजी जयंती उत्साहात संपन्न झाली यावेळी
मी जोतिराव फुले बोलतोय एकपात्री नाटक कार्यक्रम सादर करते सत्यशोधक प्रदीप बनसोडे पुणे यांचे सादरीकरण करण्यात आले. तसेच गावातील गुणवंत विद्यार्थी विद्यार्थ्यांचा दि. १४ रोजी स्वरांगण (कोल्हापूर) भीम गीते सोबत मराठी व हिंदी गीतांचा बहारदार कार्यक्रम पार पडला कार्यक्रमाचे रुपरेखा तयार करून तानाजी अर्जुन कांबळे सरांनी आभार मानले तसेच गावातील मान्यवर ग्रामपंचायत सरपंच सदस्य पोलीस पाटील मंडळाचे कार्यकर्ते उपस्थित होते.
