आजरा अर्बन बँकेच्या स्वमालकीच्या जागेत फुलेवाडी (कोल्हापूर) येथे ३५ वी शाखा कार्यालय उदघाटन सोहळा होणार संपन्न.
कोल्हापूर.- प्रतिनिधी.
आजरा येथील आजरा अर्बन बँकेची आर्थिक सक्षमतेचे आणि व्यवसाय वाढीचे निकष पूर्ण करीत आजरा अर्बन बँकेची वाटचाल सुरू आहे. या वाटचालीमध्ये मागील आर्थिक वर्षामध्ये बँकेने १५०० कोटी व्यवसायाचा टप्पा पूर्ण केला आहे. आधुनिक बैंकिंग साठी जे पर्याय व्यावसायिक बँकेकडे उपलब्ध आहे असे सर्व पर्याय या बँकेकडे उपलब्ध आहेत. केंद्र आणि राज्य सरकार यांच्या सर्व सवलतीच्या योजना बँकेने उपलब्ध करून दिल्या आहेत. या आर्थिक वर्षात बँकेला ३ नवीन शाखा उघडण्याचा परवाना बँकेस प्राप्त झाला असून त्याप्रमाणे कर्नाटक राज्यात बेळगुंदी येथे शाखा उघडण्यात आली आहे.
ग्रामीण आणि शहरी भागातील व्यवसाय, उद्योग आणि नागरिकांचे जीवनमान सुधारणे हे तत्व संस्थापक कै. आण्णा आणि कै. भाऊ यांनी विचारात घेतले होते. याच विचारांचा पाठपुरावा करत विद्यमान संचालक मंडळ कार्यरत आहे. बँकेच्या ३५ व्या फुलेवाडी (कोल्हापूर) शाखेचे स्वमालकीच्या जागेत गुरुवार दि. २५/०७/२०२४ रोजी सकाळी ११ वा. ११ मि. मा.अॅड. लुईस शहा- प्रथितयश विधीज्ञ व सहकार तज्ञ कोल्हापूर यांचे शुभहस्ते व मा. डॉ. महेश कदम- विभागीय सहनिबंधक, सहकारी संस्था, कोल्हापूर विभाग यांचे प्रमुख उपस्थितीत आयोजन केले आहे. उदघाटन कार्यक्रमास बँकेचे सर्व ग्राहक, सभासद आणि हितचिंतक यांनी उपस्थित राहावे असे आग्रहाचे निमंत्रण आण्णा भाऊ संस्था समूह प्रमुख अशोक चराटी, चेअरमन रमेश कुरुणकर, व्हा. चेअरमन सुनील मगदुम, संचालक सुरेश डांग, विलास नाईक, डॉ. दीपक सातोसकर, डॉ. अनिल देशपांडे, किशोर भुसारी, बसवराज महाळक, मारुती मोरे, आनंदा फडके, सौ. प्रणिता केसरकर, श्रीमती शैला टोपले, सौ. अस्मिता सबनिस, सुनिल मगदूम, सुर्यकांत भोईटे, किरण पाटील, संजय चव्हाण, अॅड, सचिन इंजल, मनोहर कावेरी, जयवंत खराडे आणि मुख्य कार्यकारी अधिकारी प्रशांत गंभीर यांनी केला आहे.
