🟥जळगावमधील जवानाचे कर्तव्यावर असताना मिझोराम येथे हृदयविकाराच्या झटक्याने निधन.. भावपूर्ण श्रद्धांजली.
जळगाव :- प्रतिनिधी.
जळगावमधील पाचोरा येथील बी. एस. एफ. जवान चेतन हजारे यांचे मिझोरम (मेघालय) मध्ये कर्तव्यावर असताना हृदयविकाराच्या तीव्र झटक्याने दुर्दैवी निधन झाले आहे. चेतन हजारे यांना पाचोऱ्यात अखेरचा निरोप अश्रू नयनांनी गावकऱ्यांनी दिला. यावेळी आई, वडील, पत्नी, बहिण आणि मुलांचे काळीज पिळवटून टाकणारा आक्रोश पाहून उपस्थितांचे डोळे पाणावले होते.
🔴पाचोरा शहरातील देशमुखवाडी येथील रहिवाशी चेतन प्रकाश हजारे यांना लहानपणापासूनच देशसेवा करायची जिद्द होती. अथक परिश्रम आणि मेहनतीच्या जोरावर या जिद्दीला सार्थक ठरवत अखेर चेतन हजारे यांना यश आले. राजस्थान येथे सन – २०१४ मध्ये बी. एस. एफ. मध्ये सेवा देण्यासाठी चेतन सज्ज झाले. नोकरीला लागल्यावर विवाह झाला सद्यस्थितीत त्यांना दोन मुले आहेत. चेतन सध्या कर्तव्यावर असलेल्या मिझोरम राज्यातील मेघालय येथील एझवाल सेक्टर मध्ये वास्तव्यास होते.
🟥परंतु चेतन यांचावर काळाने घाला घातला. शनिवार १५ जून रोजी ११:३० वाजता चेतन ? यांना हृदयविकाराचा तीव्र झटका आला आणि क्षणातच होत्याचे नव्हते झाले. चेतन हजारे यांचे दुःखद निधन झाले. ही बातमी पाचोरा शहरात पोहचताच एकच खळबळ उडाली. अतिशय प्रेमळ व मितभाषी चेतन हजारे हा आपल्यात नाही हे कळताच त्यांचे आई, वडील, बहिण, पत्नी आणि मुलांनी एकच टाहो फोडला. बातमी वाऱ्यासारखी परिसरात पसरली. अवघ्या २९ वर्षीय चेतन यास हृदयविकाराचा झटका येवुन निधन होणे ही मनाला चटका लावुन देणारी घटना घडली दरम्यान चेतन हजारे यांचे पार्थिव इंदोर मार्गे १७ जून रोजी सकाळी ८ वाजता पाचोरा शहरातील देशमुखवाडी येथे आणण्यात आले. चेतन यांचे पार्थिव घरी आल्यानंतर आई, वडील, पत्नी, व बहिण यांचा आक्रोश उपस्थितांचे डोळे पाणाऊन सोडणारा होता.
