मोदींच्या गॅरंटीचा जाहीरनामा घरोघरी पोहोचवा .- राजे समरजितसिंह घाटगे ( भादवणमध्ये भाजप पदाधिकाऱ्यांचा मेळावा )
आजरा,- प्रतिनिधी.
शेतकरी, महिला, युवा वर्ग व गरीब नागरिकांच्या सशक्तीकरणासह देशाला महासत्ता बनवणारा भाजपचा जाहीरनामा आहे. पंतप्रधान नरेंद्र मोदींच्या गॅरंटीचा हा जाहीरनामा भाजपच्या कार्यकर्त्यांनी घरोघरी पोहोचवावा.असे आवाहन शाहू ग्रुपचे अध्यक्ष व भाजपाचे नेते राजे समरजितसिंह घाटगे यांनी केले.
भादवण (ता.आजरा)येथे महायुतीचे उमेदवार संजय मंडलिक यांच्या प्रचारार्थ भादवण पंचायत समिती मतदार संघातील भाजपच्या प्रमुख कार्यकर्त्यांच्या मेळाव्यात ते बोलत होते. मेळाव्यास भादवण, भादवणवाडी, कुराडवाडी,मासेवाडी,मडिलगे, हालेवाडी, वझरे, अर्दाळ,महागोंड,होन्याळी,चिमणे या गावातील कार्यकर्ते उपस्थित होते. यावेळी भाजपच्या नवनियुक्त पदाधिकाऱ्यांना निवड पत्राचे वाटप श्री घाटगे यांच्या हस्ते केले.श्री घाटगे पुढे म्हणाले, पंतप्रधान मोदी यांच्या नेतृत्वाखालील भाजप सरकारने वर्षानुवर्षे प्रलंबित असलेले अयोध्येत श्रीराम मंदिर उभारणे, काश्मीरमधील 370 कलम हटवणे यासारखे महत्त्वपूर्ण प्रश्न मार्गी लावले.विकसित भारताची संकल्पना घेऊन नरेंद्र मोदी अहोरात्र कार्यरत आहे. त्यांच्या स्वप्नातील बलशाली भारत जागतिक महासत्ता बनवण्यासाठी एक-एक खासदार महत्त्वाचा आहे. त्यासाठी महायुतीचे उमेदवार संजय मंडलिक यांना निवडून देऊया.
यावेळी तुळशीदास मुळीक, सूर्यकांत पाटील संजय गांधी निराधार समितीचे सदस्य विठ्ठल उत्तुरकर डाॕ.जी.एच. केसरकर, संदीप पाटील यांनीही मनोगत व्यक्त केले.
यावेळी संजय मुळीक, संदीप गुरव, प्रविण लोकरे, मंदार हाळवणकर ,संदीप पाटील, ज्योतिबा नांदवडेकर ,संजय चौगुले,डाॕ. बबन बारदेसकर, संदीप देसाई, गणपतराव पाटील, अनिल खोराटे, धनाजी खवरे, राजू इंगळे, श्रीमंत कदम, जालंदर एसने प्रदीप लोकरे आदी उपस्थित होते. स्वागत हरीश देवडकर यांनी केले.आभार जिल्हा उपाध्यक्ष शैलेश मुळीक यांनी मानले.
