🛑५ हजार ६०५ अंगणवाडी सेविका, मदतनिसांना मिळणार 👇 हा लाभ….मंत्री आदिती तटकरे यांनी दिली माहिती.
🛑भादवण हायस्कूल मध्ये मराठी राजभाषा दिन साजरा.
मुंबई.- प्रतिनिधी.
अंगणवाडी कर्मचाऱ्यांना एकरकमी लाभ देण्याचा निर्णय घेण्यात आला आहे. या निर्णयामुळे १ एप्रिल २०२२ पासूनच्या सुमारे ५ हजार ६०५ अंगणवाडी कर्मचाऱ्यांना एकरकमी लाभ मिळणार आहे. त्यामध्ये अंगणवाडी सेविकांना प्रत्येकी रुपये १ लाखापर्यंत तर मिनी अंगणवाडी सेविका / अंगणवाडी मदतनीस यांना प्रत्येकी रुपये ७५ हजार पर्यंत लाभ मिळणार आहे, अशी माहिती महिला व बालविकास मंत्री आदिती तटकरे यांनी दिली.
एकात्मिक बाल विकास सेवा योजनेमधील राज्यातील अंगणवाडी कर्मचाऱ्यांच्या दिनांक १ एप्रिल, २०२२ पासून ते त्यांना ग्रॅच्युईटी लागू करण्याबाबत धोरणात्मक निर्णय होईपर्यंतच्या कालावधीतील सेवानिवृत्ती, राजीनामा, मृत्यू आणि सेवेतून काढून टाकणे इ. प्रकरणी शासनामार्फत एकरकमी लाभ एकात्मिक बाल विकास सेवा योजना आयुक्तालयाकडून देण्यास आज झालेल्या मंत्रिमंडळ बैठकीत मान्यता देण्यात आली.
हा लाभ देताना शासन निर्णय दिनांक ३० एप्रिल २०२४ मध्ये नमूद केलेल्या सूत्रानुसार आणि पूर्णपणे शासनामार्फत देण्यास व याकरिता येणाऱ्या खर्चास मान्यता देण्यात आली आहे.
अंगणवाडी कर्मचाऱ्यांना ग्रॅच्युईटी लागू करण्याबाबतचा धोरणात्मक निर्णय भविष्यात घेतल्यास त्या शासन निर्णयाच्या दिनांकापासून एकरकमी लाभाची योजना बंद करण्यात येईल, असेही मंत्री कु. तटकरे यांनी यावेळी सांगितले.
🛑भादवण हायस्कूल मध्ये मराठी राजभाषा दिन साजरा.
आजरा प्रतिनिधी
भादवण हायस्कूल मध्ये मराठी राजभाषा दिन साजरा निमित्ताने. व कवीकुसुमाग्रज यांच्या जयंतीनिमित्त मराठी राजभाषा दिन विविध उपक्रमांनी साजरा करण्यात आला इयत्ता सातवीच्या विद्यार्थ्यांनी भित्तिपत्रके तसेच समूहगीत सादर केले. गौरी कोलतेने मराठी राजभाषा दिनाचे महत्त्व सांगणारे भाषण सादर केले श्री होरटे सर यांनी कणा कविता सादर केली कांबळे मॅडम यांनी मराठी साहित्य व विविध लेखक कवींचा परिचय करून दिला दयानंद पाटील यांनी शुभेच्छा दिल्या मुख्याध्यापक एस एम पाटील यांनी आभार व्यक्त केले यावेळी सर्व विद्यार्थी विद्यार्थिनी शिक्षक उपस्थित होते.
