भादवणच्या आशाताई खुळे या महिलेचा खून झाल्याचे तपासात निष्पन्न.- संशयित आरोपी योगेश पाटील पोलिसांच्या ताब्यात.
आजरा.- प्रतिनिधी.
भादवण ता. आजरा येथे उसाच्या फडात जळालेल्या अवस्थेतील सापडलेल्या मृत्यूदेह श्रीमती आशाताई मारुती खुळे या ४२ वर्षीय महिलेचा खून झाल्याचे निष्पन्न झाले. असून पोलिसांनी याप्रकरणी एका स्थानिक ट्रॅक्टर चालकास ताब्यात घेतल्याने भादवण पंचक्रोशीत खळबळ उडाली आहे.
आजरा तालुक्यातील भादवण जवळ काल गुरुवारी जळालेल्या ऊसाच्या फडात एका महिलेचा मृतदेह आढळला होता. पोलिसांच्या प्राथमिक तपासात सदर मृतदेह हा गावातीलच आशाताई मारुती खुळे या महिलेचा असल्याचे निष्पन्न झाले.
याबाबत अधिक माहिती अशी की
भादवण व भादवणवाडी रस्त्यावर दीपक खुळे, आनंदा देवरकर यांच्या उसाच्या शेताला गुरुवारी सायंकाळी ५ च्या दरम्यान आग लागली. ती विझविण्यासाठी ग्रामस्थ गेले असता त्या ऊसात आशाताई खुळे या महिलेचा जळालेला मृतदेह आढळला. सुरुवातीला जरी ऊस जळाल्याने सदर महिला मृत पावली असल्याचे दिसत असले तरी यामागे घातपाताचा संशय व्यक्त केला जात होता. ऊस कशामुळे जळाला व ती महिला तेथे कशी ? ऊस पेटला की पेटवला ? असे विविध प्रश्न होत असताना. गुरुवारी रात्री उशिरा या घटनेची नोंद आजरा पोलिसात झाल्यानंतर पोलीस खात्याने या प्रकरणाचा तपास सुरु केला होता. अखेर आज पोलिसाना अधिक चौकशी व स्थानिक नागरिकांकडून माहिती मिळवण्यात यश आले.
हा प्रकार घातपाताचा असल्याचे स्पष्ट होत आहे. एका विवाहित ट्रॅक्टर चालक संशयितास पोलिसांनी याप्रकरणी ताब्यात घेतले आहे. श्वानपथकाला तैनात करण्यात आले असून पुढील तपासाची चक्रे वेगावली आहेत. विभागीय पोलीस अधिकारी राजीव नवले यांनी देखील भादवण येथे घटनास्थळी भेट देऊन पाहणी केली आहे. अधिक तपास सपोनि सुनीलकुमार हरुगडे करत आहेत.
