आजरा. प्रतिनिधी. ११
आजरा येथील दि. आजरा अर्बन को. ऑप. बॅक लि. आजरा ( मल्टी – स्टेट ) या बँकेचा च्या चेअरमन पदी डॉ. अनिल माधवराव देशपांडे तर व्हा. चेअरमनपदी किशोर काशिनाथ भुसारी यांची एकमताने निवड करून बँकेचे संचालक मंडळाने यापूर्वीची बिनविरोध निवडीची परंपरा कायम राखलेली आहे. या प्रसंगी निवडणूक निर्णय अधिकारी म्हणून प्रा. अशोक सादळे यांनी काम पाहिले याप्रसंगी बॅंकेचे ज्येष्ठ संचालक व आण्णा – भाऊ समूह संस्थाचे प्रमुख अशोक चराटी उपस्थित होते. श्री. चराटी त्यांनी बँकेचे नूतन चेअरमन, व्हा. चेअरमन व सर्व संचालकांनी बँकेच्या प्रगतीचा व ग्राहकाभिमुख जलद सेवा देण्याच्या दृष्टीने एकमेकांना विश्वासात घेऊन कामकाज करून बँकेच्या नावलौकिक वाढवावा असे मार्गदर्शन केले. चेअरमन पदासाठी डॉ. अनिल माधवराव देशपांडे यांचे नाव अशोक चराटी यांनी सुचवले त्यास सुरेश डांग यांनी अनुमोदन दिले. तर व्हाईस चेअरमन पदासाठी किशोर काशिनाथ भुसारी यांचे नाव अशोक चराटी यांनी सुचवले त्यास श्रीमती शैला टोपले यांनी अनुमोदन दिले नूतन चेअरमन व्हा. चेअरमन यांचा यावेळी सत्कार करण्यात आला. नूतन चेअरमन श्री देशपांडे यांनी सर्व संचालक मंडळाच्या सहकार्याने अण्णाभाऊ व त्यांच्या संस्थापक सहकाऱ्यांनी आखून दिलेल्या मार्गदर्शक तत्त्वानुसार पारदर्शक व्यवहार करून त्यांचे नाव लौकिक वाढण्यासाठी सर्व संचालकांना विश्वासात घेऊन अण्णा – भाऊ संस्था समूह प्रमुख श्री अशोक चराटी यांचे मार्गदर्शनाखाली काम करणार असल्याचे सांगून बँकेच्या प्रगतीच्या दृष्टीने प्रयत्न करणार असून बँकेला शेडूल दर्जा प्राप्त करुन देण्याबाबत प्रयत्न करणार असल्याचे मनोगतात व्यक्त केले. व्हाईस चेअरमन श्री भुसारी यांनी संचालकांनी सोपवलेली जबाबदारी सर्वांच्या सहकार्याने यशस्वीपणे पार पाडू अशी याप्रसंगी ग्वाही दिली तसेच माजी चेअरमन सुरेश डांग, व व्हाईस चेअरमन श्रीमती शैला टोपले यांनी संचालक मंडळाने बँकेची प्रगती करण्यासाठी आम्हाला सहकार्य केल्याबद्दल आभार व्यक्त केले. यावेळी बँकेचे संचालक विलास नाईक, प्रकाश वाटवे, दीपक सातोसकर, रमेश करूनकर, बसवराज महाळंक, मारुती मोरे, आनंदा फडके, प्रणिता केसरकर, अस्मिता सबनीस, सुनील मगदूम, सूर्यकांत भोईटे, किरण पाटील, संजय चव्हाण, आदी उपस्थित होते मुख्य कार्यकारी अधिकारी प्रशांत गंभीर यांनी नूतन चेअरमन व त्यांचे अभिनंदन केले.