सरपंच आरक्षण.- मंगळवार ०८ रोजी दुपारी ३.०० वा मध्यवर्ती प्रशासकिय इमारत, तहसिलदार कार्यालय आजरा.. प्रशासकीय माहिती.
आजरा.- प्रतिनिधी.
सरपंच आरक्षणाबाबत प्रशासकीय प्रसिद्धी पत्रक आजरा तहसील कार्यालयातून देण्यात आले आहे. दिलेल्या प्रसिद्धी पत्रकात म्हटले आहे. निवडणूक नियम १९६४ (महाराष्ट्र शासन राजपत्र असाधारण क्र. ८७ दि. ०५ मार्च २०२५) अन्वये अधिसूचना प्राप्त झालेली आहे. महाराष्ट्र ग्रामपंचायत ( सरपचं व उपसरपंच) निवडणूक नियम १९६४ च्या नियम २-अ (१) (२) नुसार प्रस्तूत अधिसूचना राजपत्रात प्रसिध्दी झालेपासून पुढील ५ वर्षाच्या (सन २०२५ ते २०३०) कालावधीसाठी सरपंच पद आरक्षण निश्चित करण्यात आलेले असून सदर अधिसूचनेव्दारे आजरा तालुक्यातील एकूण ७३ ग्रामपंचायतीकरीता सरपंच पदापैकी अनुसूचित जाती, अनुसूचित जमाती, नागरीकांचा मागास प्रवर्ग, सर्वसाधारण तसेच या प्रत्येक जाती, जमाती व प्रवर्गात मोडणाऱ्या स्त्रिया व सर्वसाधारण स्त्रियांची पदे तालुकानिहाय वाटप करणेत आलेली आहेत. त्याप्रमाणे आजरा तालुकेकरीता खालीलप्रमाणे प्रवर्गनिहाय पदे वाटप करणेत आलेली आहेत.
वरीलप्रमाणे सरपंच पदाकरीता सन २०२५ ते २०३० करीता आरक्षण प्रवर्गनिहाय वाटप करणेत येणार असलेने सदर पदाचे ग्रामपंचायतनिहाय आरक्षण निश्चित करणेकरीता मंगळवार दिनांक ०८/०४/२०२५ रोजी दुपारी ३.०० वा मध्यवर्ती प्रशासकिय इमारत, तहसिलदार कार्यालय आजरा सभागृहामध्ये आरक्षण सोडत घेणेत येणार आहे.
तरी सदर आरक्षण सोडत करीता आजरा तालुक्यामधील सर्व मा. आमदार, जि.प.सदस्य, पंचायत समिती सभापती, उपसभापती व सदस्य तसेच तालुक्यातील ग्रामपंचायतीचे सरपंच व सदस्य, ग्रामस्थ नागरीक यांनी आरक्षण सोडत करीता उपस्थित राहणेबाबत अवाहन करणेत येत आहे. असे दिलेल्या प्रसिद्धी पत्रकात म्हटले आहे.
