डिजिटल मिडिया संपादक पत्रकार संघटना महाराष्ट्र आजरा तालुकाध्यक्षपदी – संपादक संभाजी जाधव, उपाध्यक्ष अमित गुरव
आजरा .- प्रतिनिधी.
डिजिटल मिडिया संपादक पत्रकार संघटना महाराष्ट्रच्या आजरा तालुकाध्यपदी सह्याद्री न्यूज मराठी महाराष्ट्रचे संपादक संभाजी जाधव तर उपाध्यक्षपदी अमित गुरव यांची निवड करण्यात आली. तसेच सचिव सुभाष पोवार, सुभाष पाटील सल्लागार, अमोल चव्हाण सेकटरी यांची निवड करण्यात आली आहे.
सदरच्या निवडी डिजिटल मिडिया संपादक पत्रकार संघटनेचे संस्थापक अध्यक्ष राजा माने, जिल्ह्याचे अध्यक्ष भाऊसाहेब फास्के व उपाध्यक्ष दीपक मांगले मार्गदर्शनात करण्यात आल्या. यांना निवडीचे पत्र उपाध्यक्ष दीपक मांगले व गडहिंग्लज पोलिस ठाण्याचे पोलिस निरीक्षक अजय सिंदकर यांच्या हस्ते देण्यात आले.
निवडीनंतर नूतन पदाधिकाऱ्यांचा सत्कार करण्यात आला तर सत्कारा नंतर आजरा ता. अध्यक्ष श्री जाधव म्हणाले की, तालुका संघटना बळकट करणे, पत्रकारांच्या विविध समस्या सोडविणे यासाठी आपण प्रयत्नशील राहू तसेच समाजातील विविध प्रकारच्या समस्यांना वाचा फोडण्यासाठी संघटना कार्यरत राहील.
यावेळी आजरा गडहिंग्लज ता. अध्यक्ष नितीन मोरे, चंदगड तालुका अध्यक्ष विजयकुमार कांबळे, आजरा उपाध्यक्ष अमित गुरव, गडहिंग्लज उपाध्यक्ष अभिजीत मांगले, सचिव अमित कांबळे, खजिनदार धनंजय शेटके, अंकिता पोवार यांच्यासह गडहिंग्लज विभागातील पत्रकार बंधू उपस्थित होते. अशोक मोहिते यांनी आभार मानले.
