श्रीमंत गंगामाई वाचन मंदिर आजरा आयोजित सुगम गायन स्पर्धा उत्साहात संपन्न.
आजरा.- प्रतिनिधी.
श्रीमंत गंगामाई वाचन मंदिर आजरा आयोजित कै उर्मिला श्रीपाद मायदेव यांच्या स्मृतिप्रित्यर्थ आयोजित सुगम गायन स्पर्धा उत्साहात पार संपन्न झाली.
स्पर्धेची सुरवात कै. उर्मिला मायदेव यांच्या प्रतीमेचे पूजन व दीपप्रज्वलन अनंत मायदेव व सौ भाग्यश्री मायदेव यांच्या हस्ते करण्यात आले. वाचनालयाचे अध्यक्ष वामन सामंत यांनी स्वागत व प्रास्ताविक केले. या स्पर्धेत आजरा, गडहिंग्लज, भुदरगड व चंदगड तालुक्यातील ७० स्पर्धकांनी उत्स्फुर्तपणे सहभाग घेतला .
इयत्ता पहिली ते पाचवी गटात आदित्य सुनिल नाईक (आजरा) याने प्रथम क्रमांक मिळविला, कु. आर्या पिलाजी गावडे (लाटगाव) हिने व्दितीय तर कु. कृतिका महेश खोत (गडहिंग्लज) हिने तृतीय क्रमांक मिळवीला. इयत्ता सातवी ते बारावी गटात कु. दिती संतोष सुतार (बेगवडे ता. भुदरगड ) हिने प्रथम क्रमांक मिळविला, कु. शलाका ओमकार गिरी (आजरा) हिने व्दितीय तर विनया संतोष देसाई (कोळींद्रे) हिने तृतीय क्रमांक मिळवीला
विजेत्यांना अनंत मायदेव व सौ भाग्यश्री मायदेव, वामन सामंत व मान्यवरांच्या हस्ते पारितोषिके देऊन गौरविण्यात आले. या स्पर्धेसाठी परिक्षक म्हणून पांडुरंग पारीट (गारगोटी) व एस. व्ही. चोथे (गडहिंग्लज) यांनी काम पाहिले. संगीत संयोजन दत्तात्रय सावंत, संदेश कुंभार, डॉ. कृष्णा होरांबळे, सुरेंद्र हिरेमठ, निमेश देवार्डे, अजित तोडकर व प्रणय बोलके यांनी केले.
यावेळी वाचनालयाचे सहकार्यवाह रविंद्र हुक्केरी, संचालक बंडोपंत चव्हाण, सुभाष विभुते, विजय राजोपाध्ये, महंमदअली मुजावर, डॉ. अंजनी देशपांडे, सुचेता गडडी, गिता पोतदार, ग्रंथपाल चंद्रकांत कोंडुसकर, संजय शेणवी, बाळासाहेब आपटे, सुरेश सुतार, गिता तेजम, शोभा कुंभार, रेवती जांभळे, सानिका मिसाळे, प्रा. संदीप देसाई, निखिल कळेकर, लहू केरकर, महादेव पाटील, महादेव पोवार यांसह संगीतप्रेमी नागरिक मोठ्या संख्येने उपस्थित होते. सौ. वृषाली वाळके यांनी सुत्रसंचालन केले तर कार्यवाह कुंडलिक नावलकर यांनी आभार मानले .
