मल्टी-स्टेट दि आजरा अर्बन को-ऑप. बँकेच्या चेअरमनपदी अशोक चराटी व व्हा. चेअरमनपदी संजय चव्हाण यांची निवड.
आजरा.- प्रतिनिधी.
दि आजरा अर्बन को-ऑप. बँक लि., आजरा (मल्टी-स्टेट) या बँकेच्या चेअरमनपदी अशोक चराटी व व्हाईस चेअरमनपदी संजय चव्हाण यांची एकमताने निवड करुन बँकेच्या संचालक मंडळाने यापुर्वीची बिनविरोध निवडीची परंपरा कायम राखलेली आहे. याप्रसंगी निवडणूक निर्णय अधिकारी म्हणून अमोल येडगेसो (जिल्हाधिकारी तथा जिल्हादंडाधिकारी कोल्हापूर) यांनी काम पाहीले. यावेळी सहाय्यक निवडणूक निर्णय अधिकारी संजय तेली (निवासी उपजिल्हाधिकारी तथा अप्पर जिल्हादंडाधिकारी कोल्हापूर), सुनील धायगुडे (सहाय्यक निबंधक जिल्हा उपनिबंधक सहकारी संस्था कोल्हापूर) व अनिल तांदळे (महसूल सहाय्यक) उपस्थित होते.
या प्रसंगी बँकेच्या सन २०२४-२०२६ सालाकरिता रिक्त झालेल्या जागी श्रीमती अन्नपुर्णा काशिनाथ चराटी यांची बिनविरोध निवड झाल्याने त्यांचेही स्वागत व अभिनंदन करणेत आले.
चेअरमन पदासाठी अशोक चराटी यांचे नांव रमेश कुरुणकर यांनी सुचविले. त्यास सुरेश डांग यांनी अनुमोदन दिले. व्हा. चेअरमन पदासाठी संजय चव्हाण यांचे नांव सुनिल मगदूम यांनी सुचविले. त्यास किशोर भुसारी यांनी अनुमोदन दिले. नुतन चेअरमन, व्हा. चेअरमन यांचा यावेळी सत्कार करण्यात आला.
नुतन चेअरमन अशोक चराटी यांनी सर्व संचालक मंडळाच्या सहकार्याने अण्णा भाऊ व त्यांच्या संस्थापक सहकाऱ्यांनी आखून दिलेल्या मार्गदर्शक तत्वानुसार पारदर्शक व्यवहार करुन बँकेचा नाव लौकीक वाढविणेसाठी सर्व संचालकांना विश्वासात घेवून काम करणार असलेचे सांगून बँकेच्या प्रगतीच्या दृष्टीने प्रयत्न करणार असून बँकेला शेड्युल दर्जा प्राप्त करुन देण्याबद्दल प्रयत्न करणार असल्याचे मनोगत व्यक्त केले.
व्हाईस चेअरमन संजय चव्हाण यांनी संचालकांनी सोपविलेली जबाबदारी सर्वांच्या सहकार्याने यशस्वीपणे पार पाडू अशी याप्रसंगी ग्वाही दिली. तसेच माजी चेअरमन रमेश कुरुणकर व माजी व्हा. चेअरमन सुनिल मगदूम यांनी संचालक मंडळाने बँकेची प्रगती करणेसाठी आम्हाला सहकार्य केले त्याबद्दल आभार व्यक्त केले. यावेळी बँकेच्या नूतन संचालिका श्रीमती अन्नपुर्णा चराटी (आव्वा), संचालक सुरेश डांग, विलास नाईक, डॉ. दीपक सातोसकर, डॉ. अनिल देशपांडे, रमेश कुरुणकर, किशोर भुसारी, बसवराज महाळंक, मारुती मोरे, आनंदा फडके, सौ. प्रणिता केसरकर, श्रीमती शैला टोपले, सौ. अस्मिता सबनिस, सुनिल मगदूम, सुर्यकांत भोईटे, किरण पाटील व नितीन बेल्लद (मुख्याधिकारी प्रशासन व बोर्ड विभाग) उपस्थित होते. मुख्य कार्यकारी अधिकारी श्री. प्रशांत गंभीर यांनी नुतन चेअरमन, व्हा. चेअरमन यांचे अभिनंदन केले.
