असं असेल राज्यातील नवं मंत्रिमंडळ?- महायुतीच्या संभाव्य मंत्र्यांची यादी, कोणाला संधी कोणाचा पत्ता कट?🔴मुख्यमंत्रीपदाबाबत अमित शाह आणि विनोद तावडे यांच्यात खळबतं.- देवेंद्र फडणवीस मुख्यमंत्री होणार की भाजपा धक्कातंत्र अवलंबणार?

🛑असं असेल राज्यातील नवं मंत्रिमंडळ?- महायुतीच्या संभाव्य मंत्र्यांची यादी, कोणाला संधी कोणाचा पत्ता कट?
🔴मुख्यमंत्रीपदाबाबत अमित शाह आणि विनोद तावडे यांच्यात खळबतं.- देवेंद्र फडणवीस मुख्यमंत्री होणार की भाजपा धक्कातंत्र अवलंबणार?

मुंबई :- प्रतिनिधी

राज्यात विधानसभा निवडणुकीत महायुतीने घसघशीत यश प्राप्त केली. त्यानंतर आता २ डिसेंबरला मुख्यमंत्रिपदासाठी शपविधी सोहळा पार पडणार असल्याची माहिती आहे. त्यापूर्वी आता महायुती सरकारच्या मंत्रिमंडळात कोणाला संधी मिळणार आणि कोणाचा पत्ता कट होणार याबाबत चर्चा रंगली आहे. एपीबीने दिलेल्या वृत्तानुसार, मंत्रिमंडळात भाजपला सर्वाधिक २० ते २५ मंत्रिपदं, तर शिंदेंच्या शिवसेनेला १०-१२ तर, अजित पवार गटाला ७-९ मंत्रिपदं मिळण्याची शक्यता आहे.सध्या महायुती सरकारच्या मंत्रिमंडळात कोणाला संधी मिळाली आहे, त्याची संभाव्य मंत्र्यांची यादी समोर आली आहे.

🛑भाजपच्या संभाव्य मंत्र्यांची यादी:-

1)देवेंद्र फडणवीस (मुख्यमंत्री)
2)गिरीश महाजन
3)रविंद्र चव्हाण
4)मंगलप्रभात लोढा
5)चंद्रशेखर बावनकुळे
6)आशिष शेलार
7)नितेश राणे
8)शिवेंद्रसिंहराजे भोसले
9)राहुल कुल
10)माधुरी मिसाळ
11)संजय कुटे
12)राधाकृष्ण विखे पाटील
13)गणेश नाईक
14)पंकजा मुंडे
15)गोपीचंद पडळकर

🛑कोणाचा पत्ता कट होणार?

💥विजयकुमार गावित
💥सुधीर मुनगंटीवार

🔴शिवसेना शिंदे गटाची संभाव्य मंत्र्यांची यादी

1)उदय सामंत
2)शंभूराज देसाई
3)गुलाबराव पाटील
4)संजय शिरसाट
5)भरत गोगावले
6)प्रकाश सुर्वे
7)प्रताप सरनाईक
8)तानाजी सावंत
9)राजेश क्षीरसागर
10)आशिष जैस्वाल
11)निलेश राणे

🛑या नेत्यांचा हिरमोड होणार?

🔺दीपक केसरकर
🔺अब्दुल सत्तार
🔺संजय राठोड

🅾️राष्ट्रवादी संभाव्य मंत्र्यांची यादी

1)अजित पवार
2)धनंजय मुंडे
3)छगन भुजबळ
4)अदिती तटकरे
5)अनिल पाटील
6)हसन मुश्रीफ
7)धर्मराव बाबा अत्राम

🟥एकनाथ शिंदेंचा मोदींना फोन

एकनाथ शिंदे हे मुख्यमंत्री व्हावेत अशी शिंदे गटाची इच्छा होती. त्यासाठी भाजपवर दबावही पाडण्याचाही प्रयत्न झाला. पण, विधानसभेत सर्वात मोठा पक्ष म्हणून उदयास आलेल्या भाजपने मुख्यमंत्रिपदावरील ताबा सोडला नाही. अखेर, देवेंद्र फडणवीस हेच मुख्यमंत्री होणार असल्याचं जवळपास निश्चित झालं आहे. त्यानंतर एकनाथ शिंदे यांनी पत्रकार परिषद घेत अखेर मौन सोडलं. यावेळी ते म्हणाले की, सरकार स्थापन करण्यात माझी काहीही अडचण नाही, भाजपने आम्हाला साथ दिली आम्हाला अडीच वर्ष सोबत काम केलं. भाजप जो निर्णय घेईल तो आम्हाला मान्य असेल. तसेच, शिंदेंनी पंतप्रधान मोदींना फोन करुन सांगितलं की, सत्ता स्थापनेत माझी काहीही अडचण नाही, तुम्ही जो निर्णय घ्याल तो मान्य असेल.

🔴मुख्यमंत्रीपदाबाबत अमित शाह आणि विनोद तावडे यांच्यात खळबतं.- देवेंद्र फडणवीस मुख्यमंत्री होणार की भाजपा धक्कातंत्र अवलंबणार?

नवी दिल्ली :- वृत्तसंस्था

विधानसभा निवडणुकीत प्रचंड बहुमत मिळवल्यानंतर महायुतीमध्ये मुख्यमंत्रीपदावरून जोरदार रस्सीखेच पाहायला मिळाली. २३ नोव्हेंबर रोजी निकाल लागल्यानंतर मुख्यमंत्रीपदाबाबतचे मळभ दूर व्हायला चार दिवस लागले. काळजीवाहू मुख्यमंत्री एकनाथ शिंदे यांनी काल पत्रकार परिषद घेऊन मुख्यमंत्रीपदाबाबत पंतप्रधान नरेंद्र मोदी आणि केंद्रीय गृहमंत्री अमित शाह जो निर्णय घेतील, तो आपल्याला मान्य असेल असे सांगितले. शिंदेंनी मुख्यमंत्रीपदावरचा दावा सोडल्यानंतर आता भाजपामध्ये मुख्यमंत्रीपदी कुणाला बसवायचे, याची चर्चा सुरू झाली आहे. भाजपाचे महाराष्ट्रातील नेते देवेंद्र फडणवीस यांच्या नावावर जोर देत असताना केंद्रीय नेतृत्व मात्र सर्व बाजूंचा विचार करताना दिसत आहे. केंद्रीय गृहमंत्री अमित शाह आणि भाजपाचे राष्ट्रीय सरचिटणीस विनोद तावडे यांच्यात काल या विषयावर दीर्घ चर्चा झाल्याचे समजते.
🟥काल बुधवारी रात्री अमित शाह आणि विनोद तावडे यांच्यात ४० मिनिटे चर्चा झाली. बिगर मराठा मुख्यमंत्री केल्यास त्याचा मराठा मतांवर काय परिणाम होईल, याचा आढावा शाहांनी घेतला असल्याची माहिती मिळत आहे. आगामी निवडणुका, फडणवीसांचा चेहरा आणि मराठा-ओबीसी मतांबाबत शाहांनी माहिती घेतली. एकीकडे देवेंद्र फडणवीस यांचीच मुख्यमंत्रीपदी वर्णी लागणार अशी जोरदार चर्चा असताना केंद्रीय नेतृत्वाने राज्यातील समीकरणे जाणून घेतल्याबद्दल भाजपाकडून इतर राज्यांप्रमाणेच धक्कातंत्राचा वापर केला जाणार का? यावर आता राजकीय वर्तुळात चर्चा रंगली आहे. विधानसभा निवडणुकीत भाजप आणि महायुतीला बहुमत मिळाल्यानंतर महाराष्ट्राच्या मुख्यमंत्रिपदी कोण असणार? याची चर्चा होत आहे.

🔴निकाल लागून पाच दिवस झालेत मात्र अद्यापपर्यंत सत्तास्थापनेचा दावा करण्यात आलेला नाही. त्यामुळे नवं सरकार कधी अस्तित्वात येणार? हा प्रश्न वारंवार विचारला जात आहे. विनोद तावडे आणि अमित शाह यांच्यात ‘महाराष्ट्र, मुख्यमंत्री आणि मराठा’ या तीन महत्त्वाच्या मुद्द्यांवर चर्चा झाली आहे. मनोज जरांगे पाटील यांचं उपोषण अन् त्यानंतर मराठा आरक्षण आंदोलननाने घेतलेलं व्यापक स्वरूप यामुळे यंदाच्या निवडणुकीत मराठा आरक्षणाचा मुद्दा आणि मराठा समाजाच्या मतांचा कल अत्यंत महत्वाचा ठरला. अशातच आता सत्तास्थापनेच्या घडमोडींमध्ये देखील मराठा समाजाला दुखावलं जाऊ नये, असा सूर दिसतो आहे. विनोद तावडे आणि अमित शाह यांच्या बैठकीतही याच मुद्यावर चर्चा झाली.
🟥महायुतीच्या नेत्यांची आज केंद्रीय गृहमंत्री आणि भाजपचे वरिष्ठ नेते अमित शाह यांच्यासोबत बैठक होणार आहे. महाराष्ट्रात भाजपचा मुख्यमंत्री असणार असल्याचं आता जवळपास निश्चित झालं आहे. अमित शाह यांच्यासोबतच्या बैठकीत मुख्यमंत्र्यांचं नाव जाहीर होण्याची शक्यता आहे. महाराष्ट्राचे काळजीवाहू मुख्यमंत्री एकनाथ शिंदे यांनी काल पत्रकार परिषद घेतली. या पत्रकार परिषदेत त्यांनी भाजप जो मुख्यमंत्री करेन, त्याला पाठिंबा असेल, असं म्हटलं. त्यामुळे भाजपचा मुख्यमंत्री असेल. हे आता जवळपास निश्चित झालेलं आहे. मात्र देवेंद्र फडणवीस यांच्या नावाला जरी दिल्लीतून हिरवा कंदील असला तरी त्यांचं नाव मुख्यमंत्रिपदासाठी अधिकृतरित्या जाहीर झालेलं नाही. त्यामुळे महाराष्ट्राच्या मुख्यमंत्रिपदी कोण? हा अद्याप प्रश्नच आहे.