🟥सत्तेचा माज.- भाजपचे प्रदेशाध्यक्ष चंद्रशेखर बावनकुळेंच्या मुलाच्या ऑडीने पाच वाहनांना उडवले.- अपघातस्थळावरून संकेत बावनकुळे पळून गेला.
🟥नाशिक-पुणे महामार्गावर सीआयडी पथकाने अपर पोलिस अधीक्षकाला केली अटक.- महाबळेश्वराती या हॉटेलवर आहे काय कनेक्शन…
पुणे – प्रतिनिधी
कोल्हापूर सीआयडीच्या पोलिस अधीक्षक मनीषा दुबुले यांच्या पथकाने संशयित कोल्हापुरे याला नाशिक-मुंबई मार्गावर खटवली टोलनाका (ठाणे) येथे ताब्यात घेऊन अटकेची कारवाई केली. श्रीकांत नामदेव कोल्हापुरे (वय ५७, रा. पुणे) असे त्याचे नाव आहे. कोल्हापूर सीआयडी पथकाने नाशिक-पुणे महामार्गावर ही कारवाई केली.
🔴त्याला वाई न्यायालयात हजर केले असता पाच दिवसांची पोलिस कोठडी मिळाली. या प्रकरणाबाबत सीआयडीने दिलेली माहिती अशी : महाबळेश्वर येथे हेमंत बाळकृष्ण साळवी यांचे मेघदूत हॉटेल आहे. संशयित श्रीकांत कोल्हापुरे याचा मित्र हनुमंत विष्णुदास मुंडे, अभिमन्यू रामदास देडगे व बाळू बाबासाहेब पुरी यांनी हॉटेल मालक साळवी यांचा विश्वास संपादन करून अडीच कोटींमध्ये मद्यविक्री परवाना मिळवून देण्याचे आमिष दाखवले होते.
🛑यापैकी 1 कोटी 5 लाख रुपये रोखीने व चेकद्वारे घेतले. मात्र, यानंतर परवाना मिळत नसल्याने फसवणूक झाल्याचे संबंधित मालकाच्या निदर्शनास आले. त्यांनी पुण्यातील अतिरिक्त पोलिस महासंचालक, गुन्हे अन्वेषण विभागाकडे तक्रार अर्ज केला होता. त्याची चौकशी आर्थिक गुन्हे अन्वेषण विभागाने केली होती. गुन्ह्याचे स्वरूप निष्पन्न झाल्याने वाई पोलिस ठाण्यात गुन्हा दाखल केला. गुन्ह्यातील संशयित हनुमंत मुंडे, अभिमन्यू देडगे व बाळू पुरी यांना कोल्हापूर सीआयडीने यापूर्वीच अटक केली आहे.
अप्पर पोलिस महासंचालक प्रशांत बुरडे व उपमहानिरीक्षक बसवराज तेली यांच्या मार्गदर्शनाखाली पोलिस अधीक्षक मनीषा दुबुले, उपअधीक्षक गणेश माळी, पोलिस निरीक्षक वर्षा कावडे, विजय कुंभार, निवृत्ती पाडेकर, चालक जमीर मुल्ला व स्वप्नील जाधव आदींच्या पथकाने ही कारवाई केली.
🟥जुलैपासून संशयित पसार
वाई पोलिस ठाण्यात जुलै २०२४ मध्ये गुन्हा दाखल झाल्यापासून संशयित कोल्हापुरे पसार झाला होता. कोल्हापूर सीआयडीच्या पोलिस अधीक्षक मनीषा दुबुले यांच्या पथकाने संशयित कोल्हापुरे याला नाशिक-मुंबई मार्गावर खटवली टोलनाका (ठाणे) येथे ताब्यात घेऊन अटकेची कारवाई केली.
🔴कोरोना काळात शासकीय यंत्रणेचा वापर
हनुमंते मुंडे याने २०२० मध्ये कोरोना काळात हॉटेल मालकाकडून पैसे घेतले होते. त्याच्यावर प्रभाव टाकण्यासाठी तो कोल्हापुरेला शासकीय वाहनातून बोलवत होता. वरिष्ठ अधिकाऱ्यांच्या मध्यस्थीने व्यवहार ठरल्याने हॉटेल मालकाचा विश्वास बसला. कोरोना काळात या टोळक्याने शासकीय यंत्रणेचा वापर केल्याचे तपासात पुढे आले आहे.
🟥सत्तेचा माज.- भाजपचे प्रदेशाध्यक्ष चंद्रशेखर बावनकुळेंच्या मुलाच्या ऑडीने पाच वाहनांना उडवले.- अपघातस्थळावरून संकेत बावनकुळे पळून गेला.
नागपूर :- प्रतिनिधी
गृहमंत्री देवेंद्र फडणवीस यांच्या नागकुरात रविवारी मध्यरात्री कायदा आणि सुव्यवस्थेच्या चिंधडय़ा उडाल्या. पैसा आणि सत्तेच्या माजाने नागपूरच्या रस्त्यावर धिंगाणा घातला. भारतीय जनता पक्षाचे प्रदेशाध्यक्ष चंद्रशेखर बावनकुळे यांचा मुलगा संकेत याच्या भरधाव ऑडी कारने एकामागोमाग पाच वाहनांना उडवले. या भीषण अपघातात दोन तरुण जखमी झाले असून वाहनांचा चेंदामेंदा झाला. या घटनेने भेदरलेला संकेत आणि त्याचा एक मित्र पळून गेला तर अन्य दोन जणांना पोलिसांनी अटक केली. हे प्रकरण दाबण्याचा सरकारचा प्रयत्न सुरू असून त्यासाठी ऑडीची नंबर प्लेट हटवण्यात आली तसेच पोलिसांनी ड्रायव्हरचीही अदलाबदली केल्याची चर्चा आहे.
🛑संकेत बावनकुळे आणि त्याचे तीन मित्र या आलिशान ऑडी कारने नागपूरच्या धरमपेठेतील लाहोरी येथे गेले होते. तिथे त्यांनी जेवण केले. मध्यरात्री एक वाजताच्या सुमारास चौघेही एमएच 40-सीवाय-4040 या क्रमांकाच्या ऑडी कारने रामदास पेठकडे आले. यादरम्यान ऑडीने जितेंद्र सोनकांबळे यांच्या एमएच-31-ईके-3939 या क्रमांकाच्या कारला धडक दिली. त्यानंतर एका मोपेडला ठोकले. त्यावरील दोन तरुण या धडकेत जखमी झाले. ऑडीचा वेग इतका होता की तिने मानकापूरच्या दिशेने जाणाऱया अन्य तीन वाहनांनाही धडक दिली. त्यात एमएच-49-झेड-8637 या क्रमांकाच्या कारचा समावेश आहे. त्यानंतर एका पोलो कारलाही जोरदार धडक दिली. पोलो कारच्या चालकाने ऑडीचा पाठलाग करून ती माणकापूर कुलावर थांबवण्यास भाग पाडले.
🟥माणकापूर कुलावर ऑडी थांबताच संकेत आणि त्याचा एक मित्र कारमधून बाहेर उडी टापून पळून गेले. कारमधील अर्जुन हावरे आणि रोहित चित्तमवार या दोघांना पकडून तहसील पोलीस ठाण्यात नेण्यात आले. नंतर त्यांना सीताबर्डी पोलिसांच्या ताब्यात देण्यात आले. अर्जुन हा अभियंता असून सरकारी पंत्राटदार आहे तर रोनित याचा ट्रान्सफॉर्मरचा व्यवसाय आहे. जितेंद्र सोनकांबळे यांच्या तक्रारीवरून पोलिसांनी याप्रकरणी अपघाताचा गुन्हा नोंद केला.
🔴सदरहू ऑडी कारमधील चार लोक धरमपेठमधील एका बीअर बारमधून बाहेर पडले होते. त्यानंतर हा सर्व प्रकार घडला असे वृत्त पीटीआय वृत्तसंस्थेने पोलिसांच्या हवाल्यातून दिले आहे. पोलिसांनी ताब्यात घेतलेल्या दोन जणांना नंतर वैद्यकीय तपासणीसाठी नेण्यात आले होते. ऑडी कार कुठून निघाली आणि वाहनांना उडवत कशी धरमपेठपासून माणकापूरपर्यंत कशी आली त्याचे सीसीटीव्ही मिळवण्याचा प्रयत्न पोलीस करत आहेत.
🟥घटना घडली तेव्हा ऑडीमध्ये चार तरुण होते, असे तक्रारदार सोनकांबळे यांचे म्हणणे आहे. चौघेही मद्यधुंद अवस्थेत होते असे प्रत्यक्षदर्शींचे म्हणणे आहे. परंतु वरून दबाव आल्याने पोलिसांकडून हे प्रकरण दडपण्याचा प्रयत्न सुरू आहे. त्यासाठी ऑडीची नंबर प्लेट काढून टाकण्यात आली आणि ड्रायव्हरचीही अदलाबदली करण्यात आली असे समोर आले आहे. संकेत हा गाडी चालवत होता असे सोनकांबळे यांनी सांगूनही अर्जुन गाडी चालवत होता, असा दावा पोलीस करीत आहेत.
🔴ती ऑडी माझ्या मुलाचीच
चंद्रशेखर बावनकुळे यांनी ती ऑडी आपला मुलगा संकेत याचीच असल्याची कबुली दिली. माझ्या मुलाच्या नावे ती गाडी आहे. या अपघाताची पोलिसांनी निष्पक्षपणे पूर्ण चौकशी करावी, कुणालाही वेगळा न्याय लावू नये, जे कुणी दोषी असतील त्यांच्यावर गुन्हे दाखल व्हावेत, त्यांच्यावर कारवाई व्हायला हवी, असे बावनकुळे म्हणाले. मी कुठल्याही पोलीस यंत्रणेशी बोललो नाही, असा दावा करतानाच, न्याय सर्वांना सारखा असायला हवा मग कुणी राजकारणाशी सबंधित असो किंवा आणखी कुणी असो, असे बावनकुळे म्हणाले.
🟥बावनकुळेंसाठी कायदा वेगळा का?
शिवसेना उपनेत्या सुषमा अंधारे यांनी या घटनेसंदर्भात ट्विट करून मिंधे सरकारवर निशाणा साधला आहे. ‘रविवारी रात्री नागपूरच्या रामदास पेठमध्ये महागडय़ा इलेक्ट्रॉनिक ऑडीने अनेक गाडय़ा उडवल्या. मद्यधुंद अवस्थेत असलेला चालक संकेत बावनकुळे असल्याचे समोर येत आहे. मात्र आश्चर्य असे की आरटीओने गाडीचा नंबर न नोंदवता ती गाडी सोडून दिली. चंद्रशेखर बावनकुळेंसाठी कायदा वेगळा का?’ असा सवाल सुषमा अंधारे यांनी केला आहे.
