शिवसेना खासदार अरविंद सावंत यांनी आपल्याला तुरुंगात टाकण्याची धमकी. – आरोप खासदार नवनीत राणा.
मुंबई :- सह्याद्री न्युज मराठी.
सोमवारी लोकसभेत सचिन वाझे आणि 100 कोटींच्या वसुलीच्या मुद्द्यावर बोलताना ठाकरे सरकार आणि मुख्यमंत्री उद्धव ठाकरेंवर खूप गंभीर आरोप केले. त्यानंतर शिवसेना खासदार अरविंद सावंत यांनी आपल्याला तुरुंगात टाकण्याची धमकी दिली, असल्याचा खळबळजनक आरोप खासदार नवनीत राणा यांनी केला आहे.
शिवसेनेचे खासदार अरविंद सावंत यांनी आपल्याला संसदेच्या लॉबीमध्ये धमकावले. महाराष्ट्रात तू कशी फिरते ते बघतोच. तुलाही तुरुंगात डांबू, अशी धमकी अरविंद सावंत यांनी दिल्याचे नवनीत राणा यांनी पत्रात म्हटले आहे.
शिवाय, संसदीय कामकाज मंत्री यांनाही सावंतांनी दिलेल्या धमकी दिल्याचे राणा म्हणाल्या आहेत. दरम्यान, शिवसेना खासदार अरविंद सावंतांनी नवनीत राणा यांनी लावलेले धमकीचे आरोप फेटाळलेत. याउलट त्यांनी राणाच सर्वांना धमकावत असल्याचा पलटवार केला आहे. तर अमरावतीच्या खासदार नवनीत राणा यांच्यावर राष्ट्रवादीच्या महिला अध्यक्षा रुपाली चाकणकर यांची फेसबुकद्वारे टीका केली.
नवनीत राणा आपल्याला जर नैतिकतेचा एवढा पुळका आला असेल तर आधी खासदारकीचा राजीनामा द्या आणि मग महाराष्ट्रात राष्ट्रपती राजवटीच्या गप्पा करा. कारण तुम्ही खासदार म्हणून जी भूमिका संसदेत मांडली आहे ती खासदारकी तुम्हाला राष्ट्रवादीच्या जीवावर मिळालेली आहे म्हणून मांडता आली आहे, अशी टीका राष्ट्रवादीच्या महिला प्रदेशाध्यक्ष रूपाली चाकणकर यांनी खासदार नवनीत राणा यांच्यावर केली आहे.
