वारकरी संप्रदायातील समतेची प्रेरणा, संतानी समाजात रुजवली.- डाॅ. प्रा. नवनाथ शिंदे
( मेंढोली ता. आजरा येथे अखिल भारतीय वारकरी मंडळ शाखा उदघाटन संपन्न. )
आजरा.- प्रतिनिधी.
वारकरी संप्रदायातील मानवतेची, समतेची प्रेरणा आदर्श असून, भक्ती मार्गाने समाजातील जाती धर्माचा आणि उच्च निच्च, गरिब श्रीमंताच्या पलिकडे स्त्री, पुरूष व लहान, थोरांना समानतेची शिकवण देणारी परंपरा संतांनी समाजात रुजवली, ही परंपरा जगात सर्वश्रेष्ठ असल्याचे मत डाॅ. नवनाथ शिंदे यांनी
मेंढोली ता. आजरा येथील अखिल भारतीय वारकरी मंडळ शाखा उदघाटन प्रसंगी प्रमुख मार्गदर्शक म्हणून बोलताना म्हणाले. अध्यक्ष स्थानी हभप लक्ष्मण लाड होते.
स्वागत व सुत्रसंचालन शशिकांत सुतार यांनी केले. प्रास्ताविक करताना हभप लक्ष्मण शिंत्रे यांनी पोलिस सेवेत असताना ही वारकरी संप्रदायाची वाटचाल जोपासली असून, कानडा विठ्ठलाच्यासेवे मधे लीन होण्यात समाधान असल्याचे सांगितले.
डाॅ. शिंदे यांनी पुढे बोलताना संत तुकाराम, ज्ञानेश्वर, गाडगेबाबा, छत्रपती शिवाजी महाराज, शाहू महाराज, डाॅ. बाबासाहेब आंबेडकर, महात्मा जोतीबा फुलेचा वारसा हा समतेचा असून वारकरी परंपरेत जाती धर्माला व लहान थोरांच्यात भेदाभेदला स्थान नाही. अशी परंपरा असलेल्या अखिल भारतीय वारकरी मंडळाची शाखा उदघाटन निमित्ताने एकमेकांना आपुलकीने भेटल्याचे समाधान व्यक्त केले.
यावेळी तालूका कार्यकारणी चा सत्कार व शाखा पदाधिकारी याना प्रशस्तीपत्र वाटप करण्यात आले. अध्यक्ष लक्ष्मण लाड यांनी देशात आध्यात्मिक व वारकरी परंपरा पुढे असल्याचे सांगितले. यावेळी बाळासाहेब सुतार याचे प्रवचन व विश्राम निऊंगरे यांचे किर्तन संपन्न झाले. यावेळी जिल्हा प्रतिनिधी राजाराम जाधव तालूका अध्यक्ष गौरव सुतार, उपाध्यक्ष संतू कांबळे, काॅ.संजय घाटगे, पांडूरंग जोशिलकर, गंगाराम येडगे, दिपाली गुरव, कल्पना जाधव, सरपंच विलास जोशिलकर, पोलिस पाटील मारूती नाईक, शाखा अध्यक्ष प्रकाश घेवडे, भिकाजी नांदवडेकर, म्हकांळी चौगले, जितेंद्र नांदवडेकर, विमल चौगले, आशाताई लाड, मंबई मंडळाचे अध्यक्ष शंकर पाटील यांच्या सह अखिल भारतीय वारकरी मंडळ आजरा व केदारलिंग माऊली भजनी मंडळाचे कार्यकर्ते व वारकरी उपस्थित होते. आभार आनंदा कातकर यांनी मानले.
