सहकार भारती कोल्हापूर ची आजरा तालुका कार्यकारिणी जाहीर.- तालुकाध्यक्ष अनिल देशपांडे तर महामंत्री पदावर श्रीपाद कुलकर्णी यांची निवड
🛑उपवनसंरक्षक यांच्या उपस्थितीत बैठक ठरल्याने ७ आजरा वन विभागावरी एप्रिल रोजी होणारा मोर्चा तात्पुरता स्थगित..
इचलकरंजी.- प्रतिनिधी.
इचलकरंजी येथील यशवंत प्रोसेसिंग येथे सहकार भारती कोल्हापूरची महत्वाची बैठक प्रदेश महिला प्रमुख सौ. वैशालीताई आवाडे यांच्या अध्यक्षतेखाली पार पडली. या बैठकीत आजरा तालुक्यासाठी कार्यकारिणी जाहीर करण्यात आली. यानुसार तालुकाध्यक्ष म्हणून अनिल देशपांडे तर महामंत्री पदावर श्रीपाद कुलकर्णी यांची निवड करण्यात आली. इतर पदांवर मिलिंद पूजारी, रमेश कारेकर, जयवंत येडुरकर, महादेव खाडे आदिंची निवड करुन त्यांना सहकार भारती कोल्हापूर अध्यक्ष अरविंद मजलेकर यांच्या हस्ते नियुक्ती पत्रे देण्यात आली. कार्यक्रमाची प्रस्तावना कोल्हापूर विभाग सहसंघटक जवाहर छाबडा यांनी केली. सौ. वैशालीताई आवाडे यांचेसह प्रदेश पतसंस्था प्रकोष्ठ प्रमुख सागर चौगुले यांनी सहकार भारती चे कार्य व उद्देशांची माहिती दिली. जिल्हा महामंत्री श्रीकांत चौगुले यांनी आभारप्रदर्शन केले. यावेळी संघटन प्रमुख सागर हुपरे, सचिव संजय सातपुते, महिला प्रमुख सुषमा पाटील, कोषाध्यक्ष अमोल कनवाडे यांचेसह पदाधिकारी उपस्थित होते.
चौकट.
सहकार भरती.. सहकारी संस्था म्हणजे….
सहकार भारती ही सहकारी संस्था आणि सहकारी संस्थांची एकमेव संपूर्ण भारतातील संघटना आहे. ग्रामीण आणि शहरी भागात, निःस्वार्थ सहकारी संस्थांची एक मजबूत आणि समर्पित केडर आणि सहकारी संस्थांची एक साखळी तयार करण्याची त्यांची कल्पना आहे जी सहकारी चळवळीचे ज्ञान पसरवेल जी सध्याच्या परिस्थितीत लहान शेतकरी, भूमिहीन कामगार, वनवासी, महिला, स्वयंसेवा गट आणि जेएलजी, ग्रामीण कारागीर आणि तंत्रज्ञ, मध्यम आणि निम्न उत्पन्न गटातील बेरोजगार तरुणांच्या उन्नतीसाठी ‘ तारणहार ‘ म्हणून काम करू शकते.
या उद्देशाने, स्वावलंबी आणि स्वावलंबी सहकारी संस्था उभारण्यासाठी जनतेला सक्षम करण्यासाठी नियमित अंतराने प्रशिक्षण शिबिरे, व्याख्यानमाला, चर्चासत्रे, परिषदा इत्यादींचे आयोजन करणे आवश्यक आहे.
सहकार भारती सहकारी संस्थांना स्वायत्त ठेवण्यासाठी आणि त्यांना बाह्य नियंत्रण आणि राजकीय हस्तक्षेपापासून दूर ठेवण्यासाठी वचनबद्ध आहे.
या उद्देशाने, सहकार भारती ९७ व्या घटनादुरुस्तीनुसार राज्य आणि केंद्राच्या सहकारी कायद्यांमध्ये सुधारणा करण्यासाठी प्रयत्न करेल.
सहकारी चळवळ आणि सहकार भारती बद्दल शाखा उघडणे आणि जनतेला प्रबोधन करणे.
राष्ट्रीय, राज्य, जिल्हा, तालुका आणि गाव पातळीवरील लोकांना विविध प्रकारच्या गरजेनुसार सहकारी संस्थांना प्रोत्साहन देण्यासाठी, स्थापना करण्यासाठी आणि चालवण्यासाठी प्रोत्साहित करणे.
सहकारी संस्थांना त्यांच्या कामकाजातील अडचणी दूर करण्यासाठी तांत्रिक-आर्थिक क्षेत्रात सल्लागार सेवा प्रदान करणे.
सहकारी संस्थांच्या पदोन्नती, निर्मिती आणि कामकाजाशी संबंधित बाबी राज्य आणि केंद्र सरकारे, आरबीआय, नाबार्ड, एनएचबी, सीबीडीटी, नीती आयोग आणि राज्य आणि राष्ट्रीय स्तरावरील इतर संस्थांना सादर करणे.
विविध क्षेत्रात, विशेषतः सहकारी, सामाजिक, आर्थिक क्षेत्रांशी संबंधित संशोधन, अभ्यास आणि सर्वेक्षणांना प्रोत्साहन देणे, हाती घेणे, स्थापित करणे.
ग्रामीण आणि आदिवासी भागात सामाजिक-आर्थिक परिस्थिती सुधारण्यासाठी प्रकल्प हाती घेणे आणि त्यांना मदत करणे.
सहकारी चळवळीद्वारे विशेषतः मागासलेल्या लोकांना आणि क्षेत्रांना त्यांची सामाजिक आणि आर्थिक परिस्थिती सुधारण्यास मदत करण्यासाठी इतर कोणतेही काम करणे.
🛑उपवनसंरक्षक यांच्या उपस्थितीत बैठक ठरल्याने ७ आजरा वन विभागावरी एप्रिल रोजी होणारा मोर्चा तात्पुरता स्थगित….
आजरा – प्रतिनिधी.
जंगली प्राणी आणि शेतकरी यांच्यातील संघर्ष कायमचा संपावा, शेतकऱ्यांना पिकांची शंभर टक्के नुकसान भरपाई मिळावी यासह अनेक मागण्यासाठी आजरा तालुक्यातील शेतकऱ्यांच्या वतीने निघणारा मोर्चा तात्पुरता स्थगित केला आहे. आज मोर्चाच्या तयारीसाठी श्रमिक पतसंस्थेच्या कार्यालयात बैठक होती. बैठक चालू असताना वनविभागाच्या प्रतिनिधीने येऊन १६ एप्रिल रोजी उपवनसंरक्षक यांचे अध्यक्षतेखाली बैठक आयोजित केली असल्याचे पत्र दिले.
यावर बैठकीत चर्चा झाली, उपवनसंरक्षक यांचे सोबतच्या बैठकीत कशी चर्चा होते हे पाहून चळवळीची पुढील दिशा ठरवावी असे एकमताने ठरले. १६ तारखेला सकारात्मक चर्चा न झाल्यास उग्र आंदोलन करण्याचा निर्णय बैठकीत ठरला.
बैठकीला कॉ संपत देसाई, संजय सावंत, प्रकाश मोरुस्कर, गोविंद पाटील, संजय घाटगे, काशिनाथ मोरे, दशरथ घुरे, प्रकाश शेटगे, अशोक मालव, बाबू येडगे, नारायण भडांगे, सचिन बिरजे, भीमराव माधव, शंकर पाटील, विष्णू पाटील,मारुती पाटील, ज्ञानदेव गुरव यांच्यासह कार्यकर्ते मोठ्या संख्येने उपस्थित होते
