जे. पी. नाईक पतसंस्थेची वार्षिक उलाढाल २७० कोटी.
( वार्षिक सर्वसाधारण सभा उत्साहात संपन्न.)
आजरा : प्रतिनिधी.
शिक्षणतपस्वी जे. पी. नाईक नागरी सहकारी पतसंस्था मर्या., आजरा या संस्थेची वार्षिक सर्वसाधारण सभा उत्साहात पार पडली. संस्थेची वार्षिक उलाढाल २७० कोटी रुपये असून, संस्थेकडे ७१ कोटींच्या ठेवी व ६९ कोटींचे कर्जवाटप असल्याची माहिती अध्यक्ष प्रा. डॉ. शिवशंकर उपासे यांनी दिली.
मान्यवरांच्या हस्ते प्रतिमापूजन व दीपप्रज्वलन करून सभेला सुरुवात झाली. यावेळी दिवंगत सभासद व देशातील दिवंगत मान्यवरांना श्रद्धांजली वाहण्यात आली. अध्यक्ष डॉ. उपासे यांनी प्रास्ताविकासह वार्षिक अहवालाचे वाचन केले.
संस्थेने १७ कोटींची गुंतवणूक केली असून दोन कोटींपेक्षा अधिक राखीव व इतर निधी आहे. संस्थेच्या गडहिंग्लज व कोल्हापूर येथे दोन शाखा कार्यरत आहेत. सभेत विविध विषयांवरील ठराव मंजूर करण्यात आले. दहावी व बारावी परीक्षेत उत्तीर्ण विद्यार्थ्यांचा सत्कार करण्यात आला.
सन २०२४-२५ या आर्थिक वर्षासाठी अंतर्गत व वार्षिक लेखापरीक्षक नेमण्याचा अधिकार संचालक मंडळास देण्यात आला. शासकीय लेखापरीक्षण अहवालाचे वाचन करण्यात आले. कोल्हापूर शाखा इमारत खरेदी व शाखाविस्ताराबाबतही मंजुरी घेण्यात आली.
सभेच्या कामकाजात संचालक, अधिकारी, कर्मचारी तसेच सभासदांनी सहभाग घेतला. सूत्रसंचालन अनिल कांबळे यांनी केले.
